هاااااااي قايزززز

  كيف حالشم اليوم

ولك تئبروا تسبدي

 كل ياتكمممممممم

المهم انا دحين  في جدة وجاي مررررة معصب

 

علشان في واحد غلط علي صاحبي ام جي

MJ

وكنت ناوي اضربه بالعصاية بس ام جي قلي حصل خير

 خلااااص لا تخاااافوا طاح الحط وما سار الا خير

وكل واحد يصلح سيارته

 

ودحين اناااااا راح أسوي موضوع اسبشل لخاطر الناس العسل

 

 

وبلووووق اليوم راح يكون عبارة عن فيلم فلبيني

 بين شوية صحاب

 وهدول الصحاب همه 

دلوعة ستار بكس( طفشنا الين دبرلنالها صورة حلووة زيها )          &         ام جي                  

حموودي               &                           سكوال

يقلك يا سيدي انه كان في يوم من الايام خمسة اصحاب ساكنين بعمارة وحده

                                               

وكل واحد ساكن بشقة خاصة

 

المهم كان ام جي و حمودي مررررة اصحاب وكانوا يحبوا يلعبوا سلة

 

وكان جارهم سكوال هد الادمي كان يحب أي شي عن السيارات

 

وفي نفس الدور كان برضوا وحدة يقولولها دلووعة ستار بكس وهدا مدمنة كافييين والعياد بالله

وكمان في واحد غلبان اسمه رعشة هدا هوايته التعرف علي الجيران وتطويل شعره

 

المهم كانوا الشباب هدول كلهم يتقابلوا كل يوم بعد ما يرجعوا من اعمالهم وصياعتهم

كل مرررة يتجمعوا في شقة واحد يقشروا  قصقص او يتفرجوا استار اكاديمي

وفي مرة من المرات طلع ام جي و حمودي و سكوال مع بعض وراحوا يلفلفوا بسيارة سكوال

وهما ماشين ومشغلين "ناويلك علي نية " والا يجي واحد من جنبهم مسوي فيها انا الواد الي هوا

والا قام الملقوف ام جي وقالوا لو فيك خير طارحنا

وافق الواد وبداء السباق والا سكوال مرررة ما اعطاه مجال اول ثاني ثالث والا هما في المقدمة

 

المهم بعدين راحوا علشان ينزلوا حمودي في السوبرماركت علشان يعبي ثلاجته

دخل حمودي وجالس يعبي العربية ويلمح رعشة من بعيد المهم بالاول ما عبره

وبعد فترة لمحة مرة ثانية وراح وسلم وراحوا مع بعض يكملوا الشوبنق

وقي فترة  التسوق حمودي يقنصلوا وحدة صاروخ ويدق رعشة ويقولوا شايف

زبط نفسه رعشة ونزل خصلتين علي العين ورفع خشمه  شوية وراح يكلمها

البنت شايفتهم من اول وكانت مستنيه واحد يقرب

ولمن قرب رعشة ومن غير ما يبداء ويلاقي كـف و سفن اب مرشوش في وجهة

طبعا حموودي دحين جالس بعيد ويتشمت ورعشة حايس مع السيفن اب

ورعشة مرة زعلان سابوا العربية بلي فيها ودقوا علي سكوال يجي ياخدهم

جاهم سكوال و ام جي وركب حمودي ورعشة واول ما دخلوا سمعوا صووت كاااي عالي

 

جايهم من سكوال و ام جي طبعا حمودي ما قدر يمسك نفسه اعطاهم ضحكة شماتة هوا كمان

الا رعشة بكل هدوء قالهم شباب مني ناقصكم وادا الشباب يسكتوا وسايقين علي البيت

وهما في الطريق تدق دلووعة علي سكوال وتقله جيب معاك 10 كيلو كوباتشينو من ستار بكس

الا الشباب يسالوه اشبها تزعق قالهم النشبة كالعادة كوباتشينو تبغه وانا فلوسي صرفتها علي السيارة

طلعوا الشباب فلوسهم وعطوه  وراحوا شرولها ال 10 كيلو كوباتشينو

وهما داخلين شقة دلوعة الا  تزعق عليهم ومتنرفزة لانهم تاخروا

اخدت بسرعة الكوباتشينوا وسوتوا وشربتوا وهديت اعصابها

والا بعد لحظات من الروقان الدلوووعة تطلق ضحكة شماتة عالللية

والا رعشة قام معصب وقال انا موب رجال ادا ما سكنت بعمارة ثانية

دلوعة تسال الشباب شفيه جالسه امزح هو مو شايف ملابسه غرقانة سفن اب

قالولها الي سار فيه مو هين 

المهم راحوا راضوه وقالهم بروح اروق اعصابي شوي عند وليد وتركي

المهم راح عند وليد وتركي وجالس يفكر كيف يتشمت عليهم زي ما تشمته عليه اصحابه الاربعة

وبعد تفكير طويل وبمساعدة المجرم تركي وصل لحل انه يخلي ما في ثقة بي الاصحاب الاربعة 

فراح وخمش سيارة سكوال ورمي جنب الكفر سلسة ام جي وراح خرب ماكينة الكوباتشنو حقت دلوعة      وقطع صورة مايكل جوردن حقت ام جي وحط صور سيارات بدالها وسرق راس المعسل حق حمودي وحطه بغرفة دلوعة

يعني سوه حوسة رعشة علشان كل واحد يشك بالثاني ويتفركشوا

رجعوا الاربعة من اعمالهم وصياعتهم والا يلاقوا كل شي يحبوه مخرب

شك سكوال ب ام جي وحمودي بدلوعة ودلوعة ب سكوال  يعني حوووسة

المهم وهما جالسين يتهاوشوا الا حمودي يقول يا شباب احنا كيف خربنا اشياء بعض واحنا كلنا بالدوام كنا

قام كل واحد فك فمه (فغر) ويقولون صح . اجل هدا واحد يبغه يخرب بيننا

وبعد تفكير قالهم ام جي شباب بينوا اننا متزاعلين وما نكلم بعض لمدة اسبوع وهادي الفترة راح يبان الي خرب الاشياء

وبعد مرور ثلاث ايام زار رعشة سكوال وقاله اشبكم كانكم متزاعلين, قاله ابد بس خلاص انتهت الصحوبية

وراح لدلوعة وقالها اش فيكم قالتله من بعد ما رحت والا مشاكل كل يوم تسير بيننا

جمعهم رعشة وجالس يصالحهم وفي قلبه جالس يقول تستاهلوا

وبعد فترة مل رعشة وقال بكيفكم انا كنت ناوي اصالحكم بس كل واحد فيكم اعند من الثاني

وهوا ماشي ويسمع ضحكة عااالية من دلوعة والتفتوا كلهم عليها مستغربين

وفجاءة قامت دلوعة وجابت الة الكوباتشينوا وقالتلهم شايفين الشعرة الي جوت اكوباتشينو

قالولها كم مرة قلنالك اربطي شعرك ما تسمعين والا بعصبية هدا موووو شعري

 

والا ام جي بكل استهزاء قالهم صح هدا اسود ودلوعة شعرها احمر

جابت دلوعة الشعرة وقالتلهم شموا ريحتها باية كريم يدكركم وبعد ما اخدولهم نفسين

طالعوا علي رعشة وعطوه نظرة حقد وقالوله هدا ريحة كريمك ليش سويت كدا

بدا رعشة يتمتم ويهئهئ ومسوي نفسه برئ وانه ماله دخل بالموضوع

والا قام حمووودي وهو معصب وضرب خشم رعشة بعصيته الخشبية

والا ينكسر خشم رغشة ويسيرله شوية تشوهات وطردوه من الشقة

ويسولوا واحد شلوووت علي برااا 

وبكدا نتعلم من هدا الفيلم الفلبيني

انه الندل مصيره الشووووت